Úttekt á skólanum vegna réttindaskólaverkefnis

Miðvikudaginn 8. nóvember komu fulltrúar frá UNICEF, þær Eva, Hjördís og Nilla, í Flataskóla. Tilgangur heimsóknarinnar var að taka út skólann vegna réttindaskólaverkefnisins sem hefur verið í innleiðingu. Eva, Hjördís og Nilla hittu nemendur í réttindaráðinu ásamt því að tala við fulltrúa starfsmanna skólans, foreldri og umsjónarmenn verkefnisins. Í lok heimsóknarinnar fóru nemendur úr réttindaráði með gestina í göngu um skólann til að sýna þeim ýmis verkefni sem hafa verið unnin í tengslum við Barnasáttmálann. Þær stöllur frá UNICEF voru ánægðar með þátt Flataskóla og fáum við réttindaskólaviðurkenningu í hendurnar þann 20. nóvember.