Heim Beint á efnisyfirlit síðunnar

Flataskóli vill auka menntun og þekkingu og efla virðingu fyrir náttúru lands og hafs. Flataskóli vill stuðla að góðri umgengni og sjálfbærri nýtingu allra auðlinda og vinna gegn hvers konar mengun og umhverfisspjöllum. Því er Flataskóli grænn skóli og tekur þátt í verkefninu skólar á grænni grein sjá http://www.landvernd.is/graenfaninn/

Gænfáninn var veittur skólanum fyrst árið 2008. Í skólanum hefur verið settur umhverfissáttmáli sem lýsir í stuttu máli heildarstefnu skólans í umhverfisvernd, umhverfismennt og framtíðarsýn. Þegar Grænfáninn blaktir við hún er áfram unnið að umhverfismarkmiðum skólans af kappi til að fá Grænfánann endurnýjaðan því að á tveggja ára fresti fer fram endurmat á stöðu umhverfisverndar í skólanum. Í janúar 2010 var formlega sótt um endurnýjun grænfánans og hér má lesa greinargerð með þeirri umsókn. Grænfáninn var afhentur í annað skiptið við hátíðlega athöfn á degi íslenskrar tungu, 16. nóvember 2010.

Sótt var formlega um endurnýjun grænfánans í þriðja sinn og hér má lesa greinargerð með þeirri umsókn. Gerð var úttekt á umhverfisstefnu skólans og framkvæmd hennar. Síðustu árin hefur verið unnið að ýmsum verkefnum í tengslum við umhverfisvernd. Áhersla hefur verið lögð á útikennslu, þátttöku nemenda í skipulagi skólastarfsins með reglubundnum skólaþingum og öflugri umhverfisnefnd sem hittist reglulega. Í samverustund 24. apríl 2013 var haldin sérstök samkoma í tilefni þess að Flataskóli fékk grænfánann afhentan fyrir það góða starf sem unnið hefur verið að í umhverfisvernd í skólanum. Nemendafulltrúar í umhverfisnefnd fluttu ávarp, sungin voru tvo lög og Gerður Magnúsdóttir, verkefnisstjóri grænfánaverkefnisins, afhenti nemendafulltrúum í umhverfisnefnd nýja fánann.  Þótt grænfáninn sé kominn í hús í þriðja sinn verður ekki slakað á í umhverfisverndinni heldur verða sett ný markmið til að vinna að því að Flataskóli ætlar áfram að vera umhverfisvænn skóli.

 

English
Hafðu samband