3. bekkur - salurinn

Síðast liðinn miðvikudag sáu nemendur í 3. bekk um dagskrána í morgunsamverunni. Rúmlega fimm hundruð nemendur og allmargir foreldrar voru samankomin í hátíðarsalnum til að fylgjast með því sem þar var boðið upp á. Hrafnhildur Salka og Arna María sáu um kynninguna á dagskráratriðum. Fréttahaukarnir Hákon Darri, Benedikt og Valdimar Káru sáu um fréttaflutning, síðan komu þær Högna, Hrafnhildur Salka, Majly og Sóley Edda og dönsuðu fyrir áhorfendur. Strákarnir Kristján, Róbert Hrafn, Sólon Kári, Hilmar Hrafn og Snorri sýndu myndband þar sem tvö lið etja kappi. Að lokum var leikþáttur þar sem Bo, Briet Valdís, Arna María, Adam, Auður Krista, Alexandra og Andra Ýr sýndu Ghostbusters dansatriði. Myndir frá samverunni eru komnar í myndasafn  skólans.