Morgunsamvera með Hugarfrelsi

Síðastliðinn miðvikudag komu þær Hrafnhildur Sigurðardóttir og Unnur Arna Jónsdóttir frá Hugarfrelsi í morgunsamveruna okkar leiddu nemendur og starfsmenn skólans í gegnum öndun, slökun og hugleiðslu. Foreldrafélag skólans bauð upp á þessa stund sem þótti gefast vel og virtust nemendur áhugasamir um það sem fram fór. Áhugasamir geta farið inn á heimasíðu Hugarfrelsis og skoðað hvað þar er í boði. Hér fyrir neðan er stutt myndband sem sýnir andrúmsloftið í salnum þegar Hrafnhildur las sögu fyrir áheyrendur og áttu þeir að ímynda sér sögusviðið og fara þangað í anda eftir því sem sagði frá í sögunni.