Hjólaferð 3. bekkja

Nemendur í 3. bekk skelltu sér í hjólaferð föstudaginn 31. maí. Nemendur hjóluðu upp Vífilstaðaveginn og fóru undirgöngin upp við Reykjanesbraut. Þaðan var hjólað meðfram Lundunum og stoppað á leikvellinum hjá hjólabrettapöllunum og leikið sér þar nokkra stund. Síðan lá leiðin meðfram Bæjargilinu, niður í Mýri og meðfram læknum alveg niður að Hafnarfjarðarvegi, upp með túnunum og að lokum aftur í Flataskóla. Ferðin tók um klukkutíma en því miður sprakk á hjólinu hjá einum nemanda og þurfti hann að teyma það til baka. En allt annað gekk mjög vel og voru krakkarnir duglegir að hjóla og fylgjast að.