Á spjallinu við danska nemendur

Skólinn tekur þátt í verkefninu "Skoðum landið okkar" ásamt nokkrum öðrum skólum í Finnlandi, Danmörku og Litháen. Verkefnið sem er eTwinningverkefni gengur út á að skoða nánasta umhverfi nemenda, áhugaverða staði, náttúru landsins og siði í hverju landi. Nemendur eru á aldrinum 10 til 13 ára. Í tengslum við þetta verkefni fengu nemendur að fara á spjallrás í morgun og tala við nemendur á sama aldri frá Danmörku. Nemendur notuðu ensku til að tjá sig og var ekki annað að sjá en að þetta væri hin besta skemmtun og virtust ekki vera neinir tungumálaerfiðleikar á ferðinni.  Á áætlun er að endurtaka þetta aftur að viku liðinni.

Hér má lesa meira um verkefnið.