Kynning á verkefni 2. bekkja

Í síðustu viku kynntu nemendur í 2. bekk fyrir foreldrum sínum verkefnið um fjöruna og hafið sem þeir hafa verið að vinna að í vetur. Farið var á vettvang í fjöruna neðan við Sjáland og þar margt skoðað og brallað. Nemendur tíndu skeljar og kuðunga og fleira til að fara með heim og skreyta veggspjöld sem þeir unnu í tengslum við verkefnið og sjá má á myndunum í myndasafni skólans. Í lokin var svo aðstandendum boðið á sýningu sem Ingibjörg  bókasafnsfræðingur vann með nemendum og lauk morgunstundinni með glæsilegu hlaðborði sem foreldrar lögðu til.