Flataskóli hefur gefið út fréttabréf í maí. Þar er að finna helstu viðburði vorannarinnar og hvað er framundan.

Við höfum nýtt okkur góðviðrið síðustu daga og verið mikið úti. 1. bekkur fór í lautarferð fyrir nokkru og hér eru nokkrar myndir úr þeirri ferð.

Nemendur 3. og 5. bekkja stóðu að sameiginlegu hreinsunarátaki í nágrenni Vigdísarlundar og Hraunsholtslækjar miðvikudagsmorguninn 28. maí. Ýmislegt rak á fjörur nemenda og hreint ótrúlegt hvað fannst af úrgangi í fallegri náttúrunni.

Uppáhaldsbækur kennara og rithöfundar Nemendum í 3. bekk var boðið á skólasafnið til að hlýða á upplestur úr uppáhaldsbókum kennara sinna frá því þeir voru börn. Kristín Helga Gunnarsdóttir, rithöfundur og velunnari skólans las upp úr Línu...

Mánudaginn 26. maí gengu 5. bekkingar á Vífilsfell ásamt starfsfólki skólans. Er þetta liður í dagskrá vorannar. Kunnu nemendur vel að meta þetta eins og sjá má á myndunum sem teknar voru í ferðinni.

Nemendur fyrstu bekkja bjuggu til púða með myndum úr ullarkembu. Þeir hafa verið að vinna með ullina á ýmsan hátt og þetta er einn af mörgum skemmtilegum hlutum sem Guðríður textílkennari aðstoðaði þá við að búa til úr henni.

Í síðustu viku var uppskeruhátíð Flataskóla í tónmennt. Haldnir voru 5 tónleikar dagana 20. - 23. maí og fjölmenntu foreldrar, systkini, afar og ömmur á tónleikana sem þóttu takast afar vel.

Þar sem 3. bekkur fór ekki á Helgafellið ákváðu þau að taka verkefni næsta fimmtudags og gera það. Heppilegt var að allt var tilbúið fyrir tilraunina.

2. bekkur föstudaginn 23. maí kl. 9:00 Á Uppskeruhátíð 2. bekkjar, flytja nemendur úrval sönglaga og hljóðfæraútsetninga skólaársins. 6. bekkir föstudaginn 23. maí kl. 13:20 Á vortónleikum 6. bekkja, flytja nemendur úrval sönglaga skólaársins undir...

Nemendur, kennarar og góður hópur foreldra gerði tilraun til að ganga á Helgafell í dag fimmtudaginn 22. maí. Við urðum því miður að hætta við ferðina öryggisins vegna.

1. bekkir fimmtudaginn 22. maí kl. 13:20 Á Uppskeruhátíð 1. bekkja, flytja nemendur úrval sönglaga skólaársins. Með uppskerunni lýkur formlegu tónmenntanámi vetrarins á jákvæðum og menningarlegum nótum.

Dagur barnsins á Íslandi verður nú haldinn í fyrsta sinn þann 25. maí næstkomandi. Kort yfir gönguleiðir er aðgengilegt á vef Garðabæjar. Útilistaverk í Garðabæ. Foreldrar eru hvattir til að kynna börnum sínum verkin.