Aðalfundur og bekkjarfulltrúafundur

Aðalfundur hjá Foreldrafélagi Flataskóla og fundur með bekkjarfulltrúum
Þriðjudaginn 13. október kl 20:00 verður aðalfundur Foreldrafélags Flataskóla ásamt fundi með bekkjarfulltrúum skólans. Við ákváðum að sameina þessa fundi til að nýta betur tíma fólks og krafta. Það verða því ekki ,,venjuleg‘‘ aðalfundarstörf í þeim skilningi heldur stefnum við á að sameina krafta okkar í að gera starfið í vetur skemmtilegt og blómlegt fyrir nemendur. Allir foreldrar eru velkomnir.

Á fundinum munum fara yfir það helsta sem er á döfinni í vetur hjá foreldrafélaginu auk þess sem farið verður yfir fjármálin.
Eitt af því sem er á dagskrá vetrarins og jafnframt fundarins er bingó sem er áætlað að verði haldið í byrjun nóvember. Bingóið gekk vel í fyrra en það hefði aldrei gengið öðruvísi nema vegna þess að bekkjarfulltrúar skólans og fleiri foreldrar komu til liðs við foreldrafélagið og gerðu það mögulegt.
Foreldrafélag Flataskóla