Ráðherra viðstaddur kennslustund
28.09.2015
![Ráðherra viðstaddur kennslustund Ráðherra viðstaddur kennslustund](/library/Images/Myndir-ur-skolastarfinu/2015-2016/Sameiginlegt/Radherra-i-heimsokn/DSC_0039 (640x427).jpg?proc=ContentImage)
Menntamálaráðherra kom í heimsókn í skólann í morgun og var viðstaddur kennslustund hjá fjórða bekk sem Ragna og Elín Ása stýrðu. Ástæða heimsóknarinnar er „frumsýning“ á kennslustund þar sem kennd eru ný þróunarmarkmið er snúa að mannréttindum. Unicef hefur þróað og útbúið þessa kennslustund og er verkefnið unnið í samstarfi við Unicef á Íslandi og óskað var eftir því að skólinn tæki þetta verkefni að sér. Ásamt ráðherra heiðraði Ævar vísindamaður okkur með nærveru sinni en hann las inn á myndband (sjá hér fyrir neðan) sem fylgja mun verkefninu. Að lokinni innlögn á verkefninu og sýningu myndbandsins unnu nemendur í hópum að verkefnum í tengslum við viðfangsefnið. Myndir frá heimsókninni er að finna í myndasafni skólans.