Skólasetning fellur niður - Kennsla hefst skv. stundaskrá fimmtudaginn 24.ágúst

Framkvæmdir ganga vel í skólanum og kennsla mun hefjast fimmtudaginn 24. ágúst eins og stefnt var að. 
Okkur þykir þó leitt að tilkynna skólasetning verður ekki á miðvikudaginn eins og til stóð, þar sem klára þarf loka frágang og ljúka þrifum á skólanum svo hægt sé að hefja skólastarfið. Eins og þið vitið þá hafa staðið yfir umtalsverðar framkvæmdir í skólanum okkar vegna rakaskemmda. Við hefjum því skólastarfið í endurbættu húsnæði og hefjum kennslu á fimmtudaginn án sérstakar skólasetningar. 
Þá verða allar heimastofur tilbúnar nema stofur 1.og 2.bekkjar í norðurálmu skólans. Sömuleiðis eru enn framkvæmdir í  smíðastofu, heimilisfræðistofu og matsal skólans. Framkvæmdir á ytra byrði hússins halda áfram fram á haustið
Nemendur mæta því samkvæmt stundaskrá á fimmtudagsmorgun og við hlökkum mikið til að fá þau í skólann. Viðtöl fyrir nemendur í 1.bekk munu halda sér á áður ákveðnum tíma á miðvikudag en munu fara fram í húsnæði Krakkakots á skólalóð.
Kennarar munu senda stundatöflur í pósti í dag eða á morgun. Íþróttir verða kenndar úti eins og vant er á haustin og allir þurfa að koma klæddir eftir veðri. Einhverjir hópar eru í sundi á fimmtudaginn og því biðjum við ykkur að skoða stundatöflurnar vel.

Nemendur mæta því allir kl. 8:30 á fimmtudaginn í eftirfarandi stofur:

1.bekkur: Hvíta húsið á skólalóð þar sem vorskólinn var.
2.bekkur: V114 á fyrstu hæð í vestur álmu skólans. Gengið er inn í portinu á móti rólunum á þá er þetta fyrsta stofan á hægri hönd þegar komið er inn á ganginn. 
3. bekkur: N-213 og N215 Gengið inn um inngang á skólalóð sem snýr í átt að Vífilsstaðavegi. 
4.bekkur: M 205, M209 og M211 Gengið inn um inngang á skólalóð sem snýr í átt að Vífilsstaðavegi, sami inngangur og í fyrra.
5.bekkur: V203, V205 og V207. Gengið er inn í portinu á móti rólunum og upp tröppurnar á hægri hönd.
6.bekkur: V103, V105 og V107. Gengið er inn í portinu á móti rólunum.
7.bekkur: A202 – A208. Gengið inn um inngang á skólalóð sem snýr að flötunum. Þar sem kastalinn er.
Starfsfólk verður við alla innganga til að vísa börnum rétta leið og kennarar verða í stofum til að taka á móti nemendum. Ef þörf er á er öllum frjálst að nota þá innganga sem þeir vilja en eru þá beðnir um að fara úr skóm og fara með þá í skógeymslur við sinn inngang.