Gleðilega páska

Mikið hefur verið að gera hjá 2. bekk í vikunni því þeir fengu það hlutverk að hugsa um páskaungana tíu sem komu í heimsókn á mánudaginn. Daglega hafa nemendur viktað þá og skráð hjá sér breytingarnar. Einnig gáfu þeir ungunum flott nöfn eins og Gylfi, Nelson, Tigrí, Valtur, Dagur, Randa, Snúður, Hnoðri, Draumur og Flipper. Skemmtilegar athugasemdir um ungana heyrðust við hitakassann á ganginum eins og hver væri léttastur, hver hefði þyngst mest, hver væri latastur og af hverju þeir væru svona mismunandi á litinn o.s.frv.