Flataskóli tekur nú fimmta árið í röð þátt í verkefninu Schoolovision. Í fyrra sendum við lagið "Stattu upp" sem strákarnir í Bláum Ópal lögðu fram í sjónvarpskeppninni um Eurovision-lag Íslands sama ár. Strákarnir í 4. bekk sungu þetta lag og unnu í Flatóvisionkeppninni í fyrra en sú keppni er haldin sem undankeppni fyrir Schoolovision.
Nánari upplýsingar er að finna á bloggsíðum verkefnisins frá fyrri árum.
Schoolovision bloggsíða 2009
Schoolovision bloggsíða 2010
Schoolovision bloggsíða 2011
Schoolovision bloggsíða 2012
Schoolovision bloggsíða 2013
Á þessari síðu er fjallað um Scholovision (á ensku) út frá Eurovision vegna keppninnar í Svíþjóð 2013.
Eins og undanfarin ár höldum við Flatóvision að þessu sinni að hætti Eurovision föstudaginn 15. mars 2013, þar sem nemendur í 4. til 7. bekk geta komið með eigið framlag. Það lag sem vinnur verður sent í Schoolovision 2013 sem er samskiptaverkefni á eTwinning-netinu meðal rúmlega 30 skóla í Evrópu.Reglur keppninnar í ár eru nánast þær sömu og í fyrra en þær eru:
- Velja má söng/dans að eigin vali og það má syngja á hvaða tungumáli sem er. Það má vera þekkt lag, þjóðlag eða lag sem nemendur búa til sjálfir, lag sem enginn hefur heyrt áður. Lagið þarf að tengjast landinu á einhvern hátt. Lag þarf að vera eftir íslenskan höfund. Textinn getur t.d. verið um vináttu, umhverfismennt, frið, fólk o.s.frv.
- Ef lagið sem verður valið er verndað með höfundaleyfi þá þarf að fá leyfi höfundar til að setja lagið í Schoolovision.
- Undirleikur má vera leikinn af nemendum, af CD-diski eða af foreldrum/kennurum.
- Enginn hjálparsöngur né bakraddir mega vera í upptökunni. Nemendur verða að syngja allt lagið sjálfir.
- Klæðnaður á sviði skal vera við hæfi níu til 12 ára barna.
- Æfingar í sal byrja mánudaginn 11. mars. Ekki er gefið leyfi til að vera inni í frímínútum til að æfa fyrir þann tíma.
- Staðfesta þarf hjá Jóni Bjarni eða Kolbrúnu hvaða lög verða flutt á Flatóvision fyrir 5. mars (þriðjudagur)
Þetta er framlag 6.OS til að senda í Schoolovisionkeppnina 2013 eða lagið "Little Talks" með hljómsveitinni "Of Monsters and Men". Nemendur unnu við upptökur og val á efni við gerð myndbandsins undir leiðsögn Kolbrúnar og Jóns Bjarna. Einnig nutu þeir leiðsagnar Gunnars Guðmundssonar leikstjóra og Jógvan Hansen við framsögn og framkomu á sviði.
Á bloggsíðu Schoolovision 2013 er að finna frekari upplýsingar og ýtarlegri umfjöllun um reglurnar (á ensku).