Við ætlum að taka þátt í Schoolovision 2010 í ár. Hér er bloggsíðan fyrir verkefnið þar sem lesa má nánar um það. Þar er einnig hægt að sjá hvaða lönd verða með í ár en nokkur hafa bæst í hópinn og önnur dottið út frá því í fyrra. Undankeppnin var í mars eða "Flatóvision" þar sem nemendur komu fram með atriði sem þeir höfðu valið og æft sjálfir. Viðmið og reglur verða samskonar og í fyrra eða að aðeins einn grunnskóli frá hverju eTwinninglandi má taka þátt og nemendur verða að syngja sjálfir án aðstoðar. Þátttakan felst í því að skólinn sendir frá sér söngvamyndband með nemendum sem sett verður á bloggvefinn og hinir þátttakendurnir gefa þeim síðan stig.
Myndbandið verður að vera komið á vefinn í síðasta lagi föstudaginn 14. maí. Þá vikuna skoða nemendur myndböndin og gefa þeim stig fyrir fimmtudaginn 20. maí.
Föstudaginn 21. maí fer svo fram stigagjöf á vefnum í beinni útsendingu (Flash-meeting) strax um morguninn þar sem vinningshafinn kemur í ljós.
Helstu reglur:
- Aðeins einn grunnskóli frá hverju landi má taka þátt
- Stutt prufumyndband af skólanum og nánasta nágrenni hans verður sett á bloggsíðuna fyrir lok febrúar 2010.
- Syngja má á hvaða tungumáli sem er
- Aðstoð með undirspil má koma frá foreldrum/forráðamönnum, af CD diski eða nemendum sjálfum.
- Nemendur verða sjálfir að syngja lagið.
|
Verkefnið hefur fengið National Quality Label National Quality viðurkenningu fá kennarar sem unnið hafa samstarfsverkefni sem eru vel uppbyggð og vel skipulögð verkefni á vegum eTwinning. Hún staðfestir að verkefnið hefur náð ákveðnum evrópskum staðli. Hægt er að fá tvenns konar viðurkenningar fyrir eTwinning verkefni annars vegar þessa og hins vegar Europea Quality viðurkenninguna. |
|