Samkvæmt 10. gr. laga um grunnskóla skal starfa nemendafélag í grunnskólum sem á m.a. að vinna að félags-, hagsmuna- og velferðarmálum nemenda. Réttindaráð Flataskóla gegnir hlutverki nemendafélags skólans. Réttindaráð er skipað nemendum úr 2. til 7. bekk. Jafnmargir fulltrúar hvers árgangs mega sitja í ráðinu og umsjónarkennarar árgangsins eru margir.  Fundir eru haldnir mánaðarlega yfir skólaárið. Á fundum eru ýmis mál er tengjast réttindum barna rædd og einnig fá nemendur í ráðinu tækifæri til að fara á svið í morgunsamveru og ræða við samnemendur sína um málefni er tengjast réttindum og minna á Barnasáttmála sameinuðu þjóðanna. Val á fulltrúum í réttindaráðið fer þannig fram að áhugasamir gefa kost á sér og segja samnemendum hvers vegna þeir vilji sitja í ráðinu. Annað hvort fer svo fram leynileg kosning á milli þeirra sem buðu sig fram eða dregið er um hver fær sæti í ráðinu. Fulltrúar eru valdir til eins árs í senn en allir mega bjóða sig fram á hverju ári enda ekkert sem segir að nemandi geti ekki setið í ráðinu oftar en einu sinni. Skólaárið 2023-2024 hafa Katrín Anna Eyvindardóttir og Anna Lind Þórðardóttir umsjón með störfum réttindaráðs. 

Réttindaráð og nemendafélag eru sama ráðið í Flataskóla.

Í réttindaráði 2023-2024 sitja: