Nemendur í 2. bekk takast nú á við eTwinningverkefnið
"Vorfuglarnir í trénu", "The Tree full of Spring Birds".
Verkefnið snýst um að vekja athygli nemenda á vorinu og komu farfuglanna. Í fyrra unnu sömu nemendur verkefnið um "Vorblómin í Evrópugarðinum" sem þótti takast afar vel.
Nemendur frá fjörutíu löndum í Evrópu taka þátt í verkefninu að þessu sinni eða nánast einn skóli frá hverju landi í Evrópu. Þeir búa til jafnmarga fugla og löndin eru, sem eru síðan sendir með venjulegum bréfpósti til sérhvers lands ásamt lýsingu á honum og hver gerði fuglinn. Þannig að hvert land fær fugl til að hengja í fuglatréð í skólanum sínum. Tréð í Flataskóla er tveggja metra hátt birkitré án laufa sem stendur inni á ganginum þar sem 2. bekkur hefur aðsetur sitt. Fuglarnir sem koma eru hengdir upp jafnóðum og þeir berast. Þá er fer kennarinn yfir hvaðan þeir koma og landið er skoðað á landakortinu og kennarinn les fyrir nemendur lýsingu sem fylgir hverjum fugli.
Nemendur í 2. bekk búa til lunda að þessu sinni. Hann er afar skemmtilegur fugl með skrautlegan gogg og sérstakur fyrir Ísland og finnst ekki víða í Evrópu.
Á myndinni hér fyrir neðan er skýring á ferlinu sem verkefnið vinnur eftir.
![](/library/Images/etwinning/verklysing.png)