Flataskóli hefur sett sér umhverfissáttmála sem hann hefur að leiðarljósi í umhverfisvernd:

• Við göngum vel um skólann og umhverfi hans.
• Við förum vel með pappír, prentum hvorki né ljósritum meira en þarf og endurvinnum afgangspappír.
•  Við erum meðvituð um að það er aðeins ein jörð og að umgengni hvers og eins skiptir máli. 
•  Við gerum okkur grein fyrir að með flokkun er hægt að endurvinna og endurnýta ýmislegt sem annars færi í ruslið.
• Við gætum þess að nota eins lítið og við getum af mengandi hreinlætis- og ræstingavörum og veljum alltaf umhverfisvænar vörur eins og hægt er.
• Með samþættingu námsgreina er nemendum kennd umhverfisvernd.
• Í samvinnu við heimilin vinnum við að því að efla ábyrga hegðun og umgengni við nánasta umhverfi og náttúru landsins.
• Við fáum tækifæri til að njóta útiveru og skynja náttúrufegurð.