Vímuvarnir
Flataskóli er heilsueflandi grunnskóli sem fræðir og styður nemendur til heilbrigðra lífs- og neysluhátta. Nemendur fá fræðslu um skaðsemi notkunar á hvers kyns vímuefnum. Fræðslan miðast við aldur barnanna og þær hættur sem helstar eru á hverjum tíma. Foreldrar og starfsmenn fá einnig slíka fræðslu og ráðgjöf ef þörf er talin á.
Fræðsla til nemenda
Fræðsla nemenda miðast við aldur þeirra og hvað er að gerast í þjóðfélaginu á hverjum tíma.
Á yngsta aldursstigi fléttast lífsleikni nánast inn í allt nám nemandans þar sem hægt er að fjalla um skaðsemi vímuefna eftir aldri og þroska nemenda. Þar er aðal áherslan á líkamlegt heilbrigði og andleg verðmæti.
Á eldri stigum er lífsleikni einnig stór þáttur í fræðslu gegn vímuefnum.
Fræðsla og ráðgjöf til starfsfólks
Starfsfólki er gerð grein fyrir þeim áherslum sem skólinn hefur gagnvart vímuefnum, og reykingum í ræðu og riti.
Fræðsla til foreldra
Foreldrum er gerð grein fyrir þeim áherslum sem skólinn hefur gagnvart vímuefnum og reykingum í ræðu og riti. Í samstarfi foreldrafélagsins og skólans er boðið upp á fræðsluerindi þar sem áherslan er m.a. á forvarnir gegn áhættuhegðun og hvers kyns notkunar á tóbaki og öðrum vímuefnum.
Ferillýsing vegna reykinga, neyslu eða gruns um neyslu á vímuefnum
Í Flataskóla eru reykingar sem og hvers konar notkun vímuefna stranglega bönnuð í skólanum, á skólalóðinni og hvar sem nemendur eru á vegum skólans. Komi upp neysla verða foreldrar látnir vita samstundis.