Heim Beint á efnisyfirlit síðunnar

Hjólreiðar

Nemendum sem koma á hjólum í skólann ber að fara eftir siðum skólans og geyma þau læst í hjólagrindum á skólatíma. Minnt skal á það að nemendur eiga að nota hjólahjálma og virða allar öryggisreglur sem gilda um hjól. Sama gildir um það ef nemendur koma á hjólabrettum, hlaupahjólum eða línuskautum. Í frímínútum mega nemendur nota hjólabretti á ákveðnu svæði á skólalóðinni með því skilyrði að þeir séu með hjálma. Nemendur bera sjálfir ábyrgð á hjólum sínum og öðrum hlutum sem þeir koma með í skólann. Athygli er vakin á því að samkvæmt umferðarlögum er ekki mælt með því að börn yngri en 13 ára séu á rafdrifnum hjólum.

Óhöpp eða slys
Viðbrögð við áföllum eða slysum á skólatíma eru þau að strax er reynt að hafa samband við foreldra. Ef einhver bið er á að foreldrar geti komið gerir skólinn strax ráðstafanir við hæfi.

Óveður
Það er ávallt neyðarúrræði að fella niður kennslu vegna veðurs. Ef ekki hefur komin tilkynning frá skólanum um slíkt, en foreldrar telja það viðsjált og hættulegt börnum sínum að fara í skólann halda þeir þeim að heima. Slíkt ber að tilkynna eins og önnur forföll. Ef óveður skellur á meðan nemendur eru í skólanum þurfa foreldrar að sækja börn sín eða tryggja þeim heimför í samráði við skólann.

Ef sú staða kemur upp að lögregla eða almannavarnir mæla með að börn mæti ekki í skólann vegna óveðurs þá reiknum við með að foreldrar verði við þeim tilmælum eftir því sem hægt er.

Skólinn er ekki lokaður og kennsla fellur ekki niður vegna óveðurs, en verður þó með óhefðbundnum hætti ef nemendur eru fáir.

Skólahúsnæðið er opnað um leið og fyrsti starfsmaður er mættur
Skilaboð eru sett á símsvara skólans.
Foreldrar eru beðnir um að senda tölvupóst og tilkynna fjarvistir.
Foreldrum er sendur tölvupóstur eins fljótt og auðið er.
Tilkynning er sett á heimasíðu skólans.
Þau börn sem mæta í skólann eru þar á ábyrgð starfsmanna.
Ætlast er að foreldrar fylgi börnum sínum inn í skólann og sæki þau inn í skólann í lok skóladags eða þegar veður leyfir.
Ekki er ætlast til að börnin hringi í foreldra sína og biðji um að vera sótt.
Foreldrum er heimilt að sækja börnin áður en skólatíma lýkur.
Börnin eru inni í frímínútum á ábyrgð starfsmanna.
Tómstundaheimilið er opið samkvæmt auglýstum opnunartíma, en ekki er farið með börnin milli húsa nema í fylgd, ef það er talið öruggt, annars verða þau inni í skólanum.
Bæjarstjórinn i Garðabæ er yfirmaður almannavarna í bæjarfélaginu og gefur fyrirmæli um lokun skóla vegna mannskaðaveðurs.

 

English
Hafðu samband