Öskudagurinn

Það var líf og fjör í skólanum í dag þar sem haldið var upp á öskudaginn. Flest allir komu í búningum af ýmsu tagi og var mikið lagt í suma þeirra eins og sjá má á myndum í myndasafni skólans. Ýmsar uppákomur voru skipulagðar um allan skólann og m.a. var draugahús, diskó, grettukeppni, brandara- og sönguppákomur og þrautir sem nemendur þurftu að leysa til að fá sælgæti. Að sjálfsögðu var kötturinn sleginn úr tunnunni eins og venja er á þessum degi.

Var það einróma álit starfsfólks skólans að nemendur hefðu verið einstaklega prúðir og skemmtilegir og komið vel fram og erum við afskaplega ánægð með daginn.