Steinaverkefni í 1. bekk
Fyrstu bekkingar hafa í vetur verið að vinna þemaverkefni um steina. Þeir hlustuðu á sögur og ljóð um steina en síðan horfðu þeir á kynningu þar sem Oddur Sigurðsson, jarðfræðingur fræddi þá um mismunandi steina.
Farið var í vettvangsferð út í hraun þar sem nemendur leituðu að steinum sem líktust andlitum. Þeir settu á þá munn, nef og augu úr pappa og síðan voru teknar myndir af tröllaandlitunum. Kennari í Flataskóla lánaði steinasafn sitt til þess að nemendur gætu skoðað mismunandi steina. Nemendurnir máttu síðan velja einn stein úr safninu til þess að segja frá. Í textílmennt fengu nemendur ávala steina og lærðu að þæfða utan um þá. Bókasafnsfræðingur skólans tók viðtöl við nemendur og hér getið þið heyrt hvernig þeir lýsa steinaverkefninu.